Dear你：

我從來冇諗過我同你之間會發生咁多事，好後悔點解自己會鍾意你。其實我真係好想知道你究竟有冇鍾意過我。你講過太多大話，所以你話鍾意我，我都唔知應唔應該信你！

我知我唔應該鍾意你，始終N君佢咁鍾意你，而我同N君亦都係好朋友。雖然N君唔係你女朋友，你亦表明你唔鍾意佢，但係點解你仲要同佢繼續發生關係呢？

其實你當我係咩呀？你曾經同我講過你唔會再同N君發生關係，但點解你要一次又一次呃我？你可以唔對我作任何承諾，但係點解你要呃我？我同你之間發生咁多，我從來都無名無分，點解我要咁傻呢？男仔可以同一個冇感情人發生關係，但係我唔可以同一個冇感情人發生任何關係。我真係鍾意你，先會同你……所以我冇後悔過，我甘心！

不過而家，我同你已經失去聯絡，你所做一切我都冇權去理。如果要三個人痛苦，咁不如我消失啦！

N君，我亦真心同你講，我從來冇諗過要同你爭，因為我冇奢求過得到任何。你好勝心強，但我唔係，我從來都好自卑，我有自知之明，所以我唔會同你爭，我亦認為永遠Friend係最重要！雖然我講乜，你都唔會信我，但係我永遠都當你係朋友！

我最後亦都衷心祝福你\，但N君，我希望你唔好再去傷害任何人，被你玩弄過A君好慘！放過A君啦！我應該可以過得更好，我早該把你忘掉！

我